กุสลัตติกวิตักกัตติกะ

Kusalaṃ savitakkasavicāraṃ dhammaṃ paṭicca kusalo savitakkasavicāro dhammo uppajjati hetupaccayā: . akusalaṃ savitakkasavicāraṃ dhammaṃ paṭicca akusalo savitakkasavicāro dhammo uppajjati hetupaccayā:. Abyākataṃ savitakkasavicāraṃ dhammaṃ paṭicca abyākato savitakkasavicāro dhammo uppajjati hetupaccayā:.

Hetuyā tīṇi ārammaṇe tīṇi avigate tīṇi. Sahajātavārampi sampayuttavārampi paṭiccavārasadisaṃ.

Kusalo savitakkasavicāro dhammo kusalassa savitakkasavicārassa dhammassa hetupaccayena paccayo: . akusalo savitakkasavicāro dhammo akusalassa savitakkasavicārassa dhammassa hetupaccayena paccayo: . Abyākato savitakkasavicāro dhammo abyākatassa savitakkasavicārassa dhammassa hetupaccayena paccayo:.

Hetuyā tīṇi ārammaṇe nava avigate tīṇi. Yathā kusalattike pañhāvāraṃ evaṃ vitthāretabbaṃ.

Kusalaṃ avitakkavicāramattaṃ dhammaṃ paṭicca kusalo avitakkavicāramatto dhammo uppajjati hetupaccayā: . abyākataṃ avitakkavicāramattaṃ dhammaṃ paṭicca abyākato avitakkavicāramatto dhammo uppajjati hetupaccayā:.

Hetuyā dve avigate dve . Sahajātavārepi sampayuttavārepi pañhāvārepi sabbattha vitthāro.

Kusalaṃ avitakkaavicāraṃ dhammaṃ paṭicca kusalo avitakkaavicāro dhammo uppajjati hetupaccayā: tīṇi . abyākataṃ avitakkaavicāraṃ dhammaṃ paṭicca abyākato avitakkaavicāro dhammo uppajjati hetupaccayā:.

Hetuyā pañca ārammaṇe dve avigate pañca. Sahajātavārampi pañhāvārampi vitthāretabbaṃ. Kusalattikavitakkattikaṃ niṭṭhitaṃ. ------------