กุสลัตติกมิจฉัตตัตติกะ

อกุสลํ มิจฺฉตฺตนิยตํ ธมฺมํ ปฏิจฺจ อกุสโล มิจฺฉตฺตนิยโต ธมฺโม อุปฺปชฺชติ เหตุปจฺจยา: ฯ

เหตุยา เอกํ อวิคเต เอกํ ฯ สพฺพตฺถ วิตฺถาโร ฯ

กุสลํ สมฺมตฺตนิยตํ ธมฺมํ ปฏิจฺจ กุสโล สมฺมตฺตนิยโต ธมฺโม อุปฺปชฺชติ เหตุปจฺจยา: ฯ

เหตุยา เอกํ อวิคเต เอกํ ฯ สหชาตวาเรปิ ปญฺหาวาเรปิ สพฺพตฺถ เอกํ ฯ

กุสลํ อนิยตํ ธมฺมํ ปฏิจฺจ กุสโล อนิยโต ธมฺโม อุปฺปชฺชติ เหตุปจฺจยา: กุสลํ อนิยตํ ธมฺมํ ปฏิจฺจ อพฺยากโต อนิยโต ธมฺโม อุปฺปชฺชติ เหตุปจฺจยา: กุสลํ อนิยตํ ธมฺมํ ปฏิจฺจ กุสโล อนิยโต จ อพฺยากโต อนิยโต จ ธมฺมา อุปฺปชฺชนฺติ เหตุปจฺจยา: ฯ อกุสลํ อนิยตํ ธมฺมํ ปฏิจฺจ อกุสโล อนิยโต ธมฺโม อุปฺปชฺชติ เหตุปจฺจยา: ตีณิ ฯ อพฺยากตํ อนิยตํ ธมฺมํ ปฏิจฺจ อพฺยากโต อนิยโต ธมฺโม อุปฺปชฺชติ เหตุปจฺจยา: ฯ

เหตุยา นว อารมฺมเณ ตีณิ อวิคเต นว ฯ สหชาตวารมฺปิ สมฺปยุตฺตวารมฺปิ ปฏิจฺจวารสทิสํ ฯ

กุสโล อนิยโต ธมฺโม กุสลสฺส อนิยตสฺส ธมฺมสฺส เหตุปจฺจเยน ปจฺจโย: ตีณิ ฯ อกุสโล อนิยโต ธมฺโม อกุสลสฺส อนิยตสฺส ธมฺมสฺส เหตุปจฺจเยน ปจฺจโย: ตีณิ ฯ อพฺยากโต อนิยโต ธมฺโม อพฺยากตสฺส อนิยตสฺส ธมฺมสฺส เหตุปจฺจเยน ปจฺจโย: ฯ

เหตุยา สตฺต อารมฺมเณ นว อวิคเต เตรส ฯ ยถา กุสลตฺติเก ปญฺหาวารํ เอวํ วิตฺถาเรตพฺพํ ฯ กุสลตฺติกมิจฺฉตฺตตฺติกํ นิฏฺฐิตํ ฯ ________________________ กุสลตฺติกมคฺคารมฺมณตฺติกํ