กุสลัตติกอตีตารัมมณัตติกะ

กุสลํ อตีตารมฺมณํ ธมฺมํ ปฏิจฺจ กุสโล อตีตารมฺมโณ ธมฺโม อุปฺปชฺชติ เหตุปจฺจยา: ฯ อกุสลํ อตีตารมฺมณํ ธมฺมํ ปฏิจฺจ อกุสโล อตีตารมฺมโณ ธมฺโม อุปฺปชฺชติ เหตุปจฺจยา: ฯ อพฺยากตํ อตีตารมฺมณํ ธมฺมํ ปฏิจฺจ อพฺยากโต อตีตารมฺมโณ ธมฺโม อุปฺปชฺชติ เหตุปจฺจยา: ฯ

เหตุยา ตีณิ อวิคเต ตีณิ ฯ สหชาตวารมฺปิ สมฺปยุตฺตวารมฺปิ ปฏิจฺจวารสทิสํ ฯ

กุสโล อตีตารมฺมโณ ธมฺโม กุสลสฺส อตีตารมฺมณสฺส ธมฺมสฺส เหตุปจฺจเยน ปจฺจโย: ฯ อกุสโล อตีตารมฺมโณ ธมฺโม อกุสลสฺส อตีตารมฺมณสฺส ธมฺมสฺส เหตุปจฺจเยน ปจฺจโย: ฯ อพฺยากโต อตีตารมฺมโณ ธมฺโม อพฺยากตสฺส อตีตารมฺมณสฺส ธมฺมสฺส เหตุปจฺจเยน ปจฺจโย: ฯ

เหตุยา ตีณิ อารมฺมเณ นว อวิคเต ตีณิ ฯ ยถา กุสลตฺติเก ปญฺหาวารํ เอวํ วิตฺถาเรตพฺพํ ฯ

กุสลํ อนาคตารมฺมณํ ธมฺมํ ปฏิจฺจ กุสโล อนาคตารมฺมโณ ธมฺโม อุปฺปชฺชติ เหตุปจฺจยา: ฯ

เหตุยา ตีณิ อารมฺมเณ ตีณิ อวิคเต ตีณิ ฯ สหชาตวารมฺปิ สมฺปยุตฺตวารมฺปิ ปฏิจฺจวารสทิสํ ฯ

กุสโล อนาคตารมฺมโณ ธมฺโม กุสลสฺส อนาคตารมฺมณสฺส ธมฺมสฺส เหตุปจฺจเยน ปจฺจโย: ฯ

เหตุยา ตีณิ อารมฺมเณ ตีณิ อวิคเต ตีณิ ฯ ยถา กุสลตฺติเก ปญฺหาวารํ เอวํ วิตฺถาเรตพฺพํ ฯ

กุสลํ ปจฺจุปฺปนฺนารมฺมณํ ธมฺมํ ปฏิจฺจ กุสโล ปจฺจุปฺปนฺนารมฺมโณ ธมฺโม อุปฺปชฺชติ เหตุปจฺจยา: ฯ

เหตุยา ตีณิ อารมฺมเณ ตีณิ อวิคเต ตีณิ ฯ สหชาตวารมฺปิ สมฺปยุตฺตวารมฺปิ ปฏิจฺจวารสทิสํ ฯ

กุสโล ปจฺจุปฺปนฺนารมฺมโณ ธมฺโม กุสลสฺส ปจฺจุปฺปนฺนารมฺมณสฺส ธมฺมสฺส เหตุปจฺจเยน ปจฺจโย: ฯ อกุสโล ปจฺจุปฺปนฺนารมฺมโณ ธมฺโม อกุสลสฺส ปจฺจุปฺปนฺนารมฺมณสฺส ธมฺมสฺส เหตุปจฺจเยน ปจฺจโย: ฯ อพฺยากโต ปจฺจุปฺปนฺนารมฺมโณ ธมฺโม อพฺยากตสฺส ปจฺจุปฺปนฺนารมฺมณสฺส ธมฺมสฺส เหตุปจฺจเยน ปจฺจโย: ฯ

เหตุยา ตีณิ อารมฺมเณ ฉ อวิคเต ตีณิ ฯ ยถา กุสลตฺติเก ปญฺหาวารํ เอวํ วิตฺถาเรตพฺพํ ฯ กุสลตฺติกอตีตารมฺมณตฺติกํ นิฏฺฐิตํ ฯ ______________ กุสลตฺติกอชฺฌตฺตตฺติกํ