เหตุทุกนเหตุทุกะ

Hetuṃ dhammaṃ paṭicca nahetu dhammo uppajjati hetupaccayā: hetuṃ dhammaṃ paṭicca sampayuttakā khandhā cittasamuṭṭhānañca rūpaṃ paṭisandhi . hetuṃ dhammaṃ paṭicca nanahetu dhammo uppajjati hetupaccayā: hetuṃ dhammaṃ paṭicca nahetu ca nanahetu ca dhammā uppajjanti hetupaccayā:. Nahetuṃ dhammaṃ paṭicca nahetu dhammo uppajjati hetupaccayā: nahetuṃ dhammaṃ paṭicca nanahetu dhammo uppajjati hetupaccayā: nahetuṃ dhammaṃ paṭicca nahetu ca nanahetu ca dhammā uppajjanti hetupaccayā: . hetuñca nahetuñca dhammaṃ paṭicca nahetu dhammo uppajjati hetupaccayā: hetuñca nahetuñca dhammaṃ paṭicca nanahetu dhammo uppajjati hetupaccayā: hetuñca nahetuñca dhammaṃ paṭicca nahetu ca nanahetu ca dhammā uppajjanti hetupaccayā:.

Hetuyā nava ārammaṇe nava avigate nava. Sahajātavārampi sampayuttavārampi paṭiccavārasadisaṃ.

Hetu dhammo nahetussa dhammassa hetupaccayena paccayo: tīṇi.

Hetu dhammo nahetussa dhammassa ārammaṇapaccayena paccayo: tīṇi . nahetu dhammo nanahetussa dhammassa ārammaṇa- paccayena paccayo: tīṇi . hetu ca nahetu ca dhammā nahetussa dhammassa ārammaṇapaccayena paccayo: tīṇi.

Hetuyā tīṇi ārammaṇe nava avigate nava. Pañhāvārampi evaṃ vitthāretabbaṃ. Sahetukadukenasahetukadukaṃ

Sahetukaṃ dhammaṃ paṭicca nasahetuko dhammo uppajjati hetupaccayā: sahetukaṃ dhammaṃ paṭicca naahetuko dhammo uppajjati hetupaccayā: sahetukaṃ dhammaṃ paṭicca nasahetuko ca naahetuko ca dhammā uppajjanti hetupaccayā: . ahetukaṃ dhammaṃ paṭicca naahetuko dhammo uppajjati hetupaccayā: ahetukaṃ dhammaṃ paṭicca nasahetuko dhammo uppajjati hetupaccayā: ahetukaṃ dhammaṃ paṭicca nasahetuko ca naahetuko ca dhammā uppajjanti hetupaccayā: . sahetukañca ahetukañca dhammaṃ paṭicca nasahetuko dhammo uppajjati hetupaccayā: sahetukañca ahetukañca dhammaṃ paṭicca naahetuko dhammo uppajjati hetupaccayā: sahetukañca ahetukañca dhammaṃ paṭicca nasahetuko ca naahetuko ca dhammā uppajjanti hetupaccayā:.

Hetuyā nava ārammaṇe cha avigate nava. Sahajātavārampi pañhāvārampi vitthāretabbaṃ Hetusampayuttadukenahetusampayuttadukaṃ

Hetusampayuttaṃ dhammaṃ paṭicca nahetusampayutto dhammo uppajjati hetupaccayā: hetusampayuttaṃ dhammaṃ paṭicca nahetuvippayutto dhammo uppajjati hetupaccayā: hetusampayuttaṃ dhammaṃ paṭicca nahetu- sampayutto ca nahetuvippayutto ca dhammā uppajjanti hetupaccayā:. Hetuvippayuttaṃ dhammaṃ paṭicca nahetuvippayutto dhammo uppajjati hetupaccayā: hetuvippayuttaṃ dhammaṃ paṭicca nahetusampayutto dhammo uppajjati hetupaccayā: hetuvippayuttaṃ dhammaṃ paṭicca nahetusampayutto ca nahetuvippayutto ca dhammā uppajjanti hetupaccayā: . Hetu- sampayuttañca hetuvippayuttañca dhammaṃ paṭicca nahetusampayutto dhammo uppajjati hetupaccayā: hetusampayuttañca hetuvippayuttañca dhammaṃ paṭicca nahetuvippayutto dhammo uppajjati hetupaccayā: hetusampayuttañca hetuvippayuttañca dhammaṃ paṭicca nahetusampayutto ca nahetuvippayutto ca dhammā uppajjanti hetupaccayā:.

Hetuyā nava. Sahajātavārampi pañhāvārampi vitthāretabbaṃ.