ภูริปัญหาชาดก

Saccaṃ kira tuvampi 3- bhūripañña yā tādisī sirī dhiti mati ca na tāyate bhāvavasūpanītaṃ yo yavakaṃ bhuñjasi appasūpaṃ.

Sukhaṃ dukkhena paripācayanto kālākālaṃ vicinaṃ chandachanno @Footnote: 1 Ma. hiṃsayaṃ . 2 Ma. cara . 3 Ma. tvaṃ api. Atthassa dvārāni apāpuranto tenāhaṃ tussāmi yavodanena.

Kālañca ñatvā abhijihanāya mantehi atthaṃ paripācayitvā vijambhisaṃ sīhavijambhitāni tāyiddhiyā dakkhasi maṃ punāpi.

Sukhīpi heke na karonti pāpaṃ avaṇṇasaṃsaggabhayā puneke pahūsamāno vipulatthacintī kiṃkāraṇā me na karosi dukkhaṃ.

Na paṇḍitā attasukhassa hetu pāpāni kammāni samācaranti dukkhena phuṭṭhā khalitāpi santā chandā ca dosā na jahanti dhammaṃ.

Yenakenaci vaṇṇena mudunā dāruṇena vā uddhare dīnamattānaṃ pacchā dhammaṃ samācare.

Yassa rukkhassa chāyāya nisīdeyya sayeyya vā na tassa sākhaṃ bhañjeyya mittadubbho hi pāpako.

Yassāpi 1- dhammaṃ puriso 2- vijaññā ye cassa kaṅkhaṃ vinayanti santo @Footnote: 1 Sī. yassa hi. 2 Sī. manujo. Taṃ hissa dīpañca parāyanañca na tena mettiṃ jirayetha 1- pañño.

Alaso gihī kāmabhogī na sādhu asaññato pabbajito na sādhu rājā na sādhu anisammakārī yo paṇḍito kodhano taṃ na sādhu.

Nisamma khattiyo kayirā nānisamma disampati nisammakārino rāja yaso kittī ca vaḍḍhatīti. Bhūripañhājātakaṃ cuddasamaṃ.