บทสรุป

{๔๔๒} อุทฺทิฏฺฐา โข ฯเปฯ เอวเมตํ ธารยามีติ เอตฺถ ปฐมํ อาปตฺติ เอเตสนฺติ ปฐมาปตฺติกา ฯ ปฐมํ วีติกฺกมกฺขเณเยว อาปชฺชิตพฺพาติ อตฺโถ ฯ อิตเร ปน ยถา ตติเย จตุตฺเถ จ ทิวเส โหติ ชโร ตติยโก จตุตฺถโกติ ปวุจฺจติ เอวํ ยาวตติเย สมนุภาสนกมฺเม โหนฺตีติ ยาวตติยกาติ เวทิตพฺพา ฯ ยาวติหํ ชานํ ปฏิจฺฉาเทตีติ ยตฺตกานิ อหานิ ชานนฺโต ปฏิจฺฉาเทติ อหํ อิตฺถนฺนามํ อาปตฺตึ อาปนฺโนติ สพฺรหฺมจารีนํ นาโรเจติ ฯ ตาวติหนฺติ ตตฺตกานิ อหานิ ฯ อกามา ปริวฏฺฐพฺพนฺติ น กาเมน น วเสน อถโข อกาเมน อวเสน ปริวาสํ สมาทาย วฏฺฐพฺพํ ฯ อุตฺตรึ ฉารตฺตนฺติ ปริวาสโต อุตฺตรึ ฉ รตฺติโย ฯ ภิกฺขุมานตฺตายาติ ๑- ภิกฺขูนํ มานนภาวาย อาราธนตฺถายาติ วุตฺตํ โหติ ฯ วีสติสงฺโข คโณ อสฺสาติ วีสติคโณ ฯ ตตฺถาติ ยตฺถ สพฺพนฺติเมน ปริจฺเฉเทน วีสติคโณ ภิกฺขุสงฺโฆ อตฺถิ ฯ อพฺเภตพฺโพติ อภิเอตพฺโพ สมฺปฏิจฺฉิตพฺโพ ฯ อพฺภานกมฺมวเสน โอสาเรตพฺโพติ วุตฺตํ โหติ ฯ อวฺหาตพฺโพติ วา อตฺโถ ฯ อนพฺภิโตติ น อพฺภิโต

@เชิงอรรถ: ๑. เอตฺถ ภิกฺขุโน มานตฺตํ ภิกฺขุนา วา จริตพฺพํ มานตฺตํ ภิกฺขุมานตฺตํ.

@ภิกฺขุนีปกฺเข ปกฺขมานตฺตสฺส ภาวโต ตถา วุตฺตนฺติ อมฺหากํ มติ. อสมฺปฏิจฺฉิโต ฯ อกตพฺภานกมฺโมติ วุตฺตํ โหติ ฯ อนวฺหาโตติ วา อตฺโถ ฯ สามีจีติ อนุธมฺมตา ฯ โลกุตฺตรธมฺมํ อนุคตา โอวาทานุสาสนี สามีจิธมฺมตาติ วุตฺตํ โหติ ฯ เสสเมตฺถ วุตฺตนยเมวาติ ฯ

สมนฺตปาสาทิกาย วินยสํวณฺณนาย เตรสกวณฺณนา นิฏฺฐิตา ฯ