๕. กติฉินฺทสุตฺตวณฺณนา

[๕] ปญฺจเม กติ ฉินฺเทติ ฉินฺทนฺโต กติ ฉินฺเทยฺย. เสสปเทสุปิ เอเสว นโย. เอตฺถ จ "ฉินฺเท ชเห"ติ อตฺถโต เอกํ. คาถาพนฺธสฺส ปน อตฺถภาวตฺถํ ๕- อยํ เทวตา สทฺทปุนรุตฺตํ ๖- วชฺชยนฺตี เอวมาห. กติ สงฺคาตีโตติ กติ สงฺเค อตีโต, อติกฺกมนฺโตติ ๗- อตฺโถ. สงฺคาติโกติปิ ปาโฐ, อยเมว อตฺโถ. ปญฺจ ฉินฺเทติ ฉินฺทนฺโต ปญฺจ โอรมฺภาคิยสํโยชนานิ ฉินฺเทยฺย. ปญฺจ ชเหติ ชหนฺโต ปญฺจุทฺธมฺภาคิยสํโยชนานิ ชเหยฺย. อิธาปิ ฉินฺทนญฺจ ชหนญฺจ อตฺถโต เอกเมว, ภควา ปน เทวตาย อาโรปิตวจนานุรูเปเนว เอวมาห. อถวา ปาเทสุ พนฺธปาสาณา ๘- วิย ปญฺโจรมฺภาคิยสํโยชนานิ เหฏฺฐา อากฑฺฒมานาการานิ ๙- โหนฺติ, ตานิ อนาคามิมคฺเคน ฉินฺเทยฺยาติ วทติ. หตฺเถหิ คหิตรุกฺขสาขา วิย ปญฺจุทฺธมฺภาคิยสํโยชนานิ อุปริ อากฑฺฒมานาการานิ ๙- โหนฺติ, ตานิ อรหตฺตมคฺเคน ชเหยฺยาติ วทติ. ปญฺจ จุตฺตริ ภาวเยติ เอเตสํ สํโยชนานํ ฉินฺทนตฺถาย เจว

@๒ ที. มหา. ๑๐/๓๗๗/๒๕๑ มหาสติปฏฺฐานสุตฺต ๓ ขุ. ธมฺม. ๒๕/๕๓/๒๖ วิสาขาวตฺถุ