๔. วุฏฺฐิสุตฺตวณฺณนา

[๗๔] จตุตฺเถ พีชนฺติ อุปตนฺตานํ สตฺตวิธํ ธญฺญพีชํ เสฏฺฐํ. ตสฺมึ หิ อุคฺคเต ชนปโท เขโม โหติ สุภิกฺโข. นิปตตนฺติ นิปตนฺตานํปิ ๕- เมฆวุฏฺฐิ เสฏฺฐา. เมฆวุฏฺฐิยํ หิ สติ วิวิธานิ สสฺสานิ อุปฺปชฺชนฺติ, ชนปทา ผีตา โหนฺติ เขมา สุภิกฺขา. ปวชมานานนฺติ ชงฺคมมานานํ ๖- ปทสา จรมานานํ คาโว เสฏฺฐา. ตา นิสฺสาย หิ สตฺตา ปญฺจ โครเส ปริภุญฺชมานา สุขํ วิหรนฺติ. ปวทตนฺติ ราชกุลมชฺฌาทีสุ วทนฺตานํ ปุตฺโต วโร. โส หิ มาตาปิตูนํ อนตฺถาวหํ น วทติ.

@๔ ฉ.ม., อิ. อิทมตฺถนฺติ ๕ ฉ.ม, อิ. ปิสทฺโท น ทิสฺสติ ๖ ฉ.ม. ชงฺคมานํ