๑๑. อรณสุตฺตวณฺณนา

[๘๑] เอกาทสเม อรณาติ นิกฺกิเลสา. วุสิตนฺติ วุสิตวาโส. โภชิสฺสิยนฺติ อทาสภาโว. สมณาติ ขีณาสวสมณา. เต หิ เอกนฺเตน อรณา นาม. วุสิตํ น นสฺสตีติ เตสํ อริยมคฺควาโส น นสฺสติ. ปริชานนฺตีติ ปุถุชฺชนกลฺยาณกโต ปฏฺฐาย เสกฺขา ๓- โลกิยโลกุตฺตราย ปริญฺญาย ปริชานนฺติ. โภชิสฺสิยนฺติ ขีณาสวสมณานํเยว นิจฺจภุชิสฺสสภาโว ๔- นาม. วนฺทนฺตีติ ปพฺพชิตทิวสโต ปฏฺฐาย วนฺทนฺติ. ปติฏฺฐิตนฺติ สีเล ปติฏฺฐิตํ. สมณีธาติ สมณํ อิธ. ชาติหีนนฺติ อปิ จณฺฑาลกุลา ปพฺพชิตํ. ขตฺติยาติ น เกวลํ ขตฺติยาว, เทวาปิ สีลสมฺปนฺนํ สมณํ วนฺทนฺติเยวาติ. เอกาทสมํ.

ฆตฺวาวคฺโค ๕- อฏฺฐโม.

อิติ สารตฺถปฺปกาสินิยา สํยุตฺตนิกายฏฺฐกถาย