๑๑. อรณสูตร

๑๑. อรณสุตฺตวณฺณนา

เอกาทสเม อรณาติ นิกฺกิเลสา. วุสิตนฺติ วุสิตวาโส. โภชิสฺสิยนฺติ อทาสภาโว. สมณาติ ขีณาสวสมณา. เต หิ เอกนฺเตน อรณา นาม. วุสิตํ น นสฺสตีติ เตสํ อริยมคฺควาโส น นสฺสติ. ปริชานนฺตีติ ปุถุชฺชนกลฺยาณกโต ปฏฺฐาย เสกฺขา ๓- โลกิยโลกุตฺตราย ปริญฺญาย ปริชานนฺติ. โภชิสฺสิยนฺติ ขีณาสวสมณานํเยว นิจฺจภุชิสฺสสภาโว ๔- นาม. วนฺทนฺตีติ ปพฺพชิตทิวสโต ปฏฺฐาย วนฺทนฺติ. ปติฏฺฐิตนฺติ สีเล ปติฏฺฐิตํ. สมณีธาติ สมณํ อิธ. ชาติหีนนฺติ อปิ จณฺฑาลกุลา ปพฺพชิตํ. ขตฺติยาติ น เกวลํ ขตฺติยาว, เทวาปิ สีลสมฺปนฺนํ สมณํ วนฺทนฺติเยวาติ. เอกาทสมํ.

ฆตฺวาวคฺโค ๕- อฏฺฐโม.

อิติ สารตฺถปฺปกาสินิยา สํยุตฺตนิกายฏฺฐกถาย

เทวตาสํยุตฺตวณฺณนา นิฏฺฐิตา.

@เชิงอรรถ: ๑ ฉ.ม. นงฺคเลหิ ๒ ฉ.ม., อิ. ชีวิสฺสติ ๓ ฉ.ม., อิ.เสขา เอวมุปริปิ, สี.เสขาย

@๔ ฉ.ม. นิจฺจํ ภุชิสฺสสภาโว ๕ ฉ.ม. เฉตฺวาวคฺโค