๖. ยชมานสุตฺตวณฺณนา

[๒๖๒] ฉฏฺเฐ ยชมานานนฺติ ยชนฺตานํ. ตทา กิร องฺคมคธวาสิกา มนุสฺสา อนุสํวจฺฉรํ สปฺปิมธุผาณิตาทีสุ อคฺคํ คเหตฺวา เอกสฺมึ ฐาเน ทารูนํ สฏฺฐิมตฺเต สกฏภาเร ราสึ กตฺวา อคฺคึ ทตฺวา ปชฺชลิตกาเล "มหาพฺรหฺมาโน ๕- ยชามา"ติ ตํ สพฺพํ ปกฺขิปนฺติ. "เอกวารํ ปกฺขิตฺตํ สตสหสฺสคุณํ ผลํ ๖- เทตี"ติ กิร ๗- เนสํ ลทฺธิ. สกฺโก เทวราชา "สพฺเพปิเม สพฺพอคฺคานิ คเหตฺวา `มหาพฺรหฺมาโน ยชามา'ติ อคฺคิมฺหิ ฌาเปนฺติ, อผลํ กโรนฺติ, มยิ ปสฺสนฺเต มา นสฺสนฺตุ, ยถา พุทฺธสฺส เจว สํฆสฺส จ ทตฺวา พหุํ ปุญฺญํ ปสวนฺต, เอวํ กริสฺสามี"ติ ทารุราสึ ชลาเปตฺวา โอโลเกนฺเตสุ มนุสฺเสสุ ปุณฺณมีทิวเส ๘-

@๔ ฉ.ม., อิ....วเสน ๕ ฉ.ม., อิ. มหาพฺรหฺมุโน, เอวมุปริปิ ๖ ฉ.ม. สหสฺสคุณผลํ