๔. ปฐมปาสสูตร

๔. ปฐมมารปาสสุตฺตวณฺณนา

จตุตฺเถ โยนิโสมนสิการาติ อุปายมนสิกาเรน. โยนิโสสมฺมปฺปธานาติ อุปายวิริเยน การณวิริเยน. วิมุตฺตีติ อรหตฺตผลวิมุตฺติ. อชฺฌภาสีติ "อยํ อตฺตนา วิริยํ กตฺวา อรหตฺตํ ปตฺวาปิ น ตุสฺสติ, อิทานิ อญฺเญสํปิ `ปาปุณถา'ติ ๓- อุสฺสาหํ กโรติ, ปฏิพาหิสฺสามิ นนฺ"ติ จินฺเตตฺวา อภาสิ.

มารปาเสนาติ กิเลสปาเสน. เย ทิพฺพา เย จ มานุสาติ เย ทิพฺพกามคุณสงฺขาตา มานุสกกามคุณสงฺขาตา จ มารปาสา นาม อตฺถิ, สพฺเพหิ เตหิ ตฺวํ พนฺโธติ ๔- วทติ. มารพนฺธนพนฺโธติ มารพนฺธเนน พนฺโธ, มารพนฺธเน วา พนฺโธ. น เม สมณ โมกฺขสีติ สมณ ตฺวํ มม วิสยโต น มุจฺจิสฺสสิ. จตุตฺถํ.