๕. อุบลวรรณาสูตร

๕. อุปฺปลวณฺณาสุตฺตวณฺณนา

ปญฺจเม สุปุปฺผิตคฺคนฺติ อคฺคโต ปฏฺฐาย สุฏฺฐุ ปุปฺผิตํ สาลรุกฺขํ. น จตฺถิ เต ทุติยา วณฺณธาตูติ ตว วณฺณธาตุสทิสา ทุติยา วณฺณธาตุ นตฺถิ, ตยา สทิสา อญฺญา ภิกฺขุนี นตฺถีติ วทติ. อิธาคตา ตาทิสิกา ภเวยฺยุนฺติ ยถา ตฺวํ อิธาคตา กิญฺจิ สนฺถวํ วา สิเนหํ วา น ลภสิ, เอวเมว เตปิ ตยาว สทิสา ภเวยฺยุํ. ปขุมนฺตริกายมฺปีติ ทฺวินฺนํ อกฺขีนํ มชฺเฌ นาสวํเสปิ ติฏฺฐนฺตึ มํ น ปสฺสิสฺสสิ. วสีภูตมฺหีติ วสีภูตา อสฺมิ. ปญฺจมํ.