๘. หิริสูตร

๘. หิรีสุตฺตวณฺณนา

อฏฺฐเม หิรีนิเสโธติ หิริยา อกุสลธมฺเม นิเสเธตีติ หิรินิเสโธ. โกจิ โลกสฺมึ วิชฺชตีติ โกจิ เอวรูโป วิชฺชตีติ ปุจฺฉติ. โย นินฺทํ อปโพเธตีติ ๒- โย ครหํ อปหรนฺโต พุชฺฌติ. อสฺโส ภโทฺรกสามิวาติ ยถา ภโทฺร อสฺสาชานีโย กสํ อปหรนฺโต พุชฺฌติ, ปโฏทจฺฉายํ ทิสฺวา สํวิชฺฌนฺโต วิย กสาย อตฺตนิ ปาตํ ๓- น เทติ, เอวเมว โย ภิกฺขุ ภูตสฺส อกฺโกสวตฺถุโน ๔- อตฺตนิ นิปาตํ อททนฺโต นินฺทํ อปโพเธติ อปหรนฺโต พุชฺฌติ, เอวรูโป โกจิ ขีณาสโว วิชฺชตีติ ปุจฺฉติ. อภูตกฺโกเสน ปน ปริมุตฺโต นาม นตฺถิ. ตนุยาติ ตนุกา, หิริยา อกุสเล ธมฺเม นิเสเธตฺวา จรนฺตา ขีณาสวา นาม อปฺปกาติ อตฺโถ. สทา สตาติ นิจฺจกาลํ สติเวปุลฺเลน สมนฺนาคตา. อนฺตํ ทุกฺขสฺส ปปฺปุยฺยาติ วฏฺฏทุกฺขสฺส โกฏิอนฺตภูตํ นิพฺพานํ ปาปุณิตฺวา. เสสํ วุตฺตนยเมวาติ.

หิรีสุตฺตวณฺณนา นิฏฺฐิตา.