๑๑. อโยนิโสมนสิการสูตร

Ekaṃ samayaṃ aññataro bhikkhu kosalesu viharati aññatarasmiṃ vanasaṇḍe . tena kho pana samayena so bhikkhu divāvihāragato pāpake akusale vitakke vitakketi seyyathīdaṃ kāmavitakkaṃ byāpādavitakkaṃ vihiṃsāvitakkaṃ.

Atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yena so bhikkhu tenupasaṅkami upasaṅkamitvā taṃ bhikkhuṃ gāthāhi ajjhabhāsi @Footnote: 1 nādīyasītipi pāṭhena bhavitabbaṃ. Ayoniso manasikārā so 1- vitakkehi khajjasi 2- ayoniso paṭinissajja yoniso anuvicintaya satthāraṃ dhammaṃ ārabbha saṅghaṃ sīlāni vattano adhigacchasi pāmojjaṃ pītisukhamasaṃsayaṃ tato pāmujjabahulo 3- dukkhassantaṃ karissasīti. Atha kho so bhikkhu tāya devatāya saṃvejito saṃvegamāpādīti.