๓. ธชัคคสูตร

๓. ธชคฺคสุตฺตวณฺณนา

ตติเย สมุปพฺยูโฬฺหติ สมฺปิณฺฑิโต ราสิภูโต. ธชคฺคํ อุลฺโลเกยฺยาถาติ สกฺกสฺส กิร ทิยฑฺฒโยชนสตายาโม รโถ. ตสฺส หิ ปจฺฉิมนฺโต ปณฺณาสโยชโน, มชฺเฌ รถปญฺชโร ปณฺณาสโยชโน, รถสนฺธิโต ยาว รถสีสานิ ๑- ปณฺณาสโยชนานิ. ตเทว ปมาณํ ทิคุณํ กตฺวา ติโยชนสตายาโมติปิ วทนฺติเยว. ตสฺมึ ๒- โยชนปลฺลงฺโก อตฺถริโต, ๒- ติโยชนิกํ เสตจฺฉตฺตํ มตฺถเก ฐปิตํ, เอกสฺมึเยว ยุเค สหสฺสาชญฺญา ยุตฺตา, เสสาลงฺการสฺส ปมาณํ นตฺถิ. ธโช ปนสฺส อฑฺฒติยโยชนสตานิ อุคฺคโต, ยสฺส วาตาหตสฺส ปญฺจงฺคิกตุริยสฺเสว สทฺโท นิจฺฉรติ, ตํ อุลฺโลเกยฺยาถาติ วทติ. กสฺมา? ตํ ปสฺสนฺตานํ หิ ราชา โน อาคนฺตฺวา ปริสปริยนฺเต นิขาตถมฺโภ วิย ฐิโต, กสฺส มยํ ภายามาติ ภยํ น โหติ. ปชาปติสฺสาติ โส กิร สกฺเกน สมานวณฺโณ สมานายุโก ทุติยาสนํ ลภติ. ตถา วรุโณ อีสาโน จ. วรุโณ ปน ตติยาสนํ ลภติ, อีสาโน จตุตฺถํ. ปลายีติ อสุเรหิ ปราชิโต ตสฺมึ รเถ ฐิโต อปฺปมตฺตกํปิ รชํ วา ๓- ทิสฺวา ปลายนธมฺโม.

อิติปิ โส ภควาติอาทีนิ วิสุทฺธิมคฺเค วิตฺถาริตาเนว. อิทมโวจาติ อิทํ ธชคฺคปริตฺตํ นาม ภควา อโวจ, ยสฺส อาณาเขตฺเต โกฏิสตสหสฺสจกฺกวาเฬ อานุภาโว วตฺตติ. อิทํ อาวชฺเชตฺวา หิ ยกฺขภยโจรภยาทีหิ ทุกฺเขหิ มุตฺตานํ อนฺโต นตฺถิ. ติฏฺฐตุ อญฺญทุกฺขวูปสโม, อิทํ อาวชฺเชนฺโต ๔- หิ ปสนฺนจิตฺโต อากาเสปิ ปติฏฺฐํ ลภติ.

ตตฺริทํ วตฺถุ:- ทีฆวาปีเจติยมฺปิ กิร สุธากมฺเม กยิรมาเน เอโก ทหโร มุทฺธเวทิกาปาทโต ๕- ปติตฺวา เจติยกุจฺฉิยา ภสฺสติ. เหฏฺฐา ฐิโต ภิกฺขุสํโฆ "ธชคฺคปริตฺตํ อาวุโส อาวชฺชาหี"ติ อาห. โส มรณภเยน ตชฺชิโต "ธชคฺคปริตฺตํ มํ รกฺขตู"ติ อาห. ตาวเทวสฺส เจติยกุจฺฉิโต เทฺว อิฏฺฐกา นิกฺขมิตฺวา

@เชิงอรรถ: ๑ ฉ.ม., อิ. รถสีสา ๒-๒ ฉ.ม., อิ. โยชนิกปลฺลงฺโก อตฺถโต

@๓ สี., อิ. รชํ วา ธชํ วา, ฉ.ม. รชธชํ ๔ ฉ.ม., อิ. อาวชฺชมาโน

@๕ สี., อิ. มูลเวทิกาปาทโต, ม. มุทฺธเวทิกาปารโค โสปานํ หุตฺวา อฏฺฐํสุ, อุปริฏฺฐิตา วลฺลินิสฺเสณึ โอตาเรสุํ. ตสฺมึ นิสฺเสณิยํ ฐิเต อิฏฺฐกา ยถาฏฺฐาเนเยว อฏฺฐํสุ. ตติยํ.