๗. นทุพภิยสูตร

Sāvatthīnidānaṃ . bhūtapubbaṃ bhikkhave sakkassa devānamindassa rahogatassa paṭisallīnassa evaṃ cetaso parivitakko udapādi yopi me assa paccatthiko tassapāhaṃ na dubbheyyanti . Atha kho bhikkhave vepacitti asurindo sakkassa devānamindassa cetasā @Footnote: 1 Ma. Yu. vikulāvakā. Cetoparivitakkamaññāya yena sakko devānamindo tenupasaṅkami.

Addasā kho bhikkhave sakko devānamindo vepacittiṃ asurindaṃ dūratova āgacchantaṃ disvāna vepacittiṃ asurindaṃ etadavoca tiṭṭha vepacitti gahitosīti . yadeva te mārisa pubbe cittaṃ tadeva tvaṃ mārisa jahāsīti 1- . Sapassu ca me vepacitti adubbhāyāti.

Yaṃ musā bhaṇato pāpaṃ yaṃ ariyūpavādino mittadduno ca yaṃ pāpaṃ yaṃ pāpaṃ akataññuno tameva pāpaṃ phusatu 2- yo te dubbhe sujampatīti.