๑๐. ตติยสักกนมัสนสูตร

๑๐. ตติยสกฺกนมสฺสนสุตฺตวณฺณนา ๖-

ทสเม อชฺฌภาสีติ กสฺมา เอส ปุนปฺปุนํ เอวํ ภาสตีติ? สกฺกสฺส กิร เทวรญฺโญ สทฺโท มธุโร, สุผุสิตทนฺตาวรณํ, กถนกาเล สุวณฺณกิงฺกิณิกสทฺโท วิย นิจฺฉรติ. ตํ ปุนปฺปุนํ โสตุํ ลภิสฺสามีติ ภาสติ. ปูติเทหสยาติ ปูติมฺหิ มาตุสรีเร วา, อตฺตโนเยว วา สรีรํ อวตฺถริตฺวา สยนโต ปูติเทหสยา. นิมฺมุคฺคา กุณปเมฺหเตติ ๗- ทส มาเส มาตุกุจฺฉิสงฺขาเต กุณปสฺมึ เอเต นิมฺมุคฺคา. เอตํ เนสํ ปิทยามีติ เอเตสํ เอตํ ปิหยามิ ปตฺถยามิ. น เตสํ โกฏฺเฐ โอเปนฺตีติ น เตสํ สนฺตกํ ธญฺญํ โกฏฺเฐ ปกฺขิปนฺติ. น หิ เอเตสํ ธญฺญํ อตฺถิ. น กุมฺภีติ น กุมฺภิยํ. น กโฬปิยนฺติ น ปจฺฉิยํ. ปรนิฏฐิตเมสนาติ ๘-

@เชิงอรรถ: ๑ ฉ.ม. กุสุมฺภสุมนปูชา, อิ. กุสุมฺภสุมนทามานิ ปูชานิ

@๒ สี., อิ. อุมฺมคฺคภินฺทนาทีนิ ๓ ฉ.ม. สตฺถารวนฺทนาสุตฺต...

@๔ ฉ.ม., อิ. สพฺพคุณเนมิตฺตเกหิ ๕ ก. อปจฺจยารามาติ ๖ ฉ.ม. สํฆวนฺทนาสุตฺต...

@๗ อิ. กุณเปเสวเตติ ๘ ฉ.ม. ปรนิฏฺฐิตเมสานาติ, อิ. ปรนิฏฺฐิตํ เจสานา... ปเรสํ นิฏฺฐิตํ ปรฆเร ปกฺกํ ภิกฺขาจารวตฺเตน เอสมานา คเวสมานา. เตนาติ เตน ๑- เอวํ ปริยิฏฺเฐน. สพฺพตาติ ทสปิ ฯเปฯ สฏฺฐีปิ วสฺสานิ สุสมาทินฺนสุนฺทรวตา.

สุมนฺตมนฺติโนติ ธมฺมํ สชฺฌายิสฺสาม ธุตงฺคํ สมาทิยิสฺสาม, สมตํ ปริภุญฺชิสฺสาม, สมณธมฺมํ กริสฺสามาติ เอวํ สุภาสิตภาสิโน. ตุณฺหีภูตา สมญฺจราติ ติยามรตฺตึ อสนิโฆสนโฆสิตา ๒- วิย ธมฺมํ กเถนฺตาปิ ตุณฺหีภูตา สมํ จรนฺติเยว นาม. กสฺมา? นิรตฺถวจนสฺสาภาวา. ปุถุมจฺจา จาติ พหู สตฺตา จ อญฺญมญฺญํ วิรุทฺธา. อตฺตทณฺเฑสุ นิพฺพุตาติ ปรวิเหฐนตฺถํ คหิตทณฺเฑสุ สตฺเตสุ นิพฺพุตา วิสฏฺฐทณฺฑา. สาทาเนสุ อนาทานาติ สคหเณสุ สตฺเตสุ จ ภวโยนิอาทีนํ เอกโกฏฺฐาสสฺสาปิ อคหิตตฺตา อคหณา. ปฐมํ.

ทุติโย วคฺโค.