9. Bāhiraphassanānattasuttādivaṇṇanā

[93-94] Navame uppajjati rūpasaññāti vuttappakāre ārammaṇe uppajjati saññā. Rūpasaṅkappoti tasmiṃyeva ārammaṇe tīhi cittehi

@3 cha.Ma., i. saññā 4 cha.Ma., i. ettha ca evaṃ SampayuttasaṅkapPo. Rūpasamphassoti tadevārammaṇaṃ phusamāno phasso. Vedanāti tadeva ārammaṇaṃ anubhavamānā vedanā. Chandādayo vuttanayāva. Rūpalābhoti pariyesitvā laddhaṃ saha taṇhāya ārammaṇaṃ "rūpalābho"ti vuttaṃ. Ayaṃ tāva sabbasaṅgāhikanayo ekasmiṃyevārammaṇe sabbadhammānaṃ uppattivasena vutto. Aparo āgantukārammaṇamissako hoti:- rūpasaññā rūpasaṅkappo phasso vedanāti ime tāva cattāro dhammā rūpaparibhogeva nibaddhārammaṇe honti. Nibaddhārammaṇaṃ hi iṭṭhaṃ kantaṃ manāpaṃ piyaṃ yaṅkiñci viya upaṭṭhāti, āgantukārammaṇaṃ pana yaṅkiñci samānampi khobhetvā tiṭṭhati.