๑๐. อโนตตัปปมูลกสูตร
เล่มที่ ๑๖ · ข้อ ๓๘๔ · บรรทัด ๔๓๐๕
คัดจากพระไตรปิฎกบาลีอักษรโรมัน ฉบับสยามรัฐ ตัวบทจาก 84000.org
บาลีอักษรโรมัน ฉบับสยามรัฐ
Sāvatthiyaṃ viharati ... tatra kho bhagavā ... Dhātusova bhikkhave sattā saṃsandanti samenti anottāpino anottāpīhi saddhiṃ saṃsandanti samenti appassutā appassutehi saddhiṃ saṃsandanti samenti duppaññā duppaññehi saddhiṃ saṃsandanti samenti . Ottāpino ottāpīhi saddhiṃ saṃsandanti samenti bahussutā bahussutehi saddhiṃ saṃsandanti samenti paññavanto paññavantehi saddhiṃ saṃsandanti samenti.
Anottāpino anottāpīhi saddhiṃ saṃsandanti samenti kusītā kusītehi saddhiṃ saṃsandanti samenti duppaññā duppaññehi saddhiṃ saṃsandanti samenti . ottāpino ottāpīhi saddhiṃ saṃsandanti samenti āraddhaviriyā āraddhaviriyehi saddhiṃ saṃsandanti samenti paññavanto paññavantehi saddhiṃ saṃsandanti samenti.
Anottāpino anottāpīhi saddhiṃ saṃsanadanti samenti muṭṭhassatino muṭṭhassatīhi saddhiṃ saṃsandanti samenti duppaññā duppaññehi saddhiṃ saṃsandanti samenti . ottāpino ottāpīhi saddhiṃ saṃsandanti samenti upaṭṭhitassatino upaṭṭhitassatīhi saddhiṃ saṃsandanti samenti paññavanto paññavantehi saddhiṃ saṃsandanti samentīti. Dasamaṃ.
ที่มา: พระไตรปิฎกบาลีอักษรโรมัน ฉบับสยามรัฐ เล่มที่ ๑๖ ข้อ ๓๘๔ จาก 84000.org
รายงานข้อผิดพลาด