๒. อุปติสสสูตร

2. Upatissasuttavaṇṇanā

Dutiye atthi nu kho taṃ kiñci lokasminti idaṃ atiuḷārampi sattaṃ vā saṅkhāraṃ vā sandhāya vuttaṃ. Satthupi kho teti 1- idaṃ yasmā ānandattherassa satthari adhimatto chando ca pemaṃ ca, tasmā "kiṃ nu kho imassa therassa satthu vipariṇāmenapi sokādayo nuppajjeyyun"ti jānanatthaṃ pucchati. Dīgharattanti sūkarakhataleṇadvāre dīghanakhaparibbājakassa vedanāpariggahasuttadesitadivasato paṭṭhāya atikkantakālaṃ sandhāyāha. Tasmiṃ hi divase therassa ime vaṭṭānugatakilesā samūhatāti. Dutiyaṃ.