๙. ติสสสูตร

Sāvatthiyaṃ viharati jetavane anāthapiṇḍikassa ārāme . Atha kho āyasmā tisso bhagavato pitucchāputto yena bhagavā @Footnote: 1 Yu. araññaṃ . 2 Ma. Yu. aññātuñchena. Tenupasaṅkami upasaṅkamitvā bhagavantaṃ abhivādetvā ekamantaṃ nisīdi dukkhī dummano assūni pavattayamāno.

Atha kho bhagavā āyasmantaṃ tissaṃ etadavoca kiṃ nu kho tvaṃ tissa ekamantaṃ nisinno dukkhī dummano assūni pavattayamānoti . tathā hi pana maṃ bhante bhikkhū samantā vācāya sannitodakena sañjambhariṃ akaṃsūti . tathā hi pana tvaṃ tissa vattā no ca vacanakkhamo na kho te taṃ tissa paṭirūpaṃ kulaputtassa saddhā agārasmā anagāriyaṃ pabbajitassa yaṃ tvaṃ vattā no ca vacanakkhamo etaṃ kho te tissa paṭirūpaṃ kulaputtassa saddhā agārasmā anagāriyaṃ pabbajitassa yaṃ tvaṃ vattā ca āsi 1- vacanakkhamo cāti.

Idamavoca bhagavā idaṃ vatvāna sugato athāparaṃ etadavoca satthā kiṃ nu kujjhasi mā kujjhi akkodho tissa te varaṃ kodhamānamakkhavinayatthaṃ hi tissa brahmacariyaṃ vussatīti. Navamaṃ.