๑๐. เถรนามสูตร

10. Theranāmakasuttavaṇṇanā

Dasame vaṇṇavādīti hānisaṃsavādī. Yaṃ atītaṃ taṃ pahīnanti atīte khandhapañcake chandarāgappahānena taṃ pahīnaṃ nāma hoti. Anāgatanti

@Footnote: 1 i. te āgantvā 2 cha.Ma.,i. pubbepi 3 cha.Ma. ayaṃ pāṭho na dissati Anāgataṃ 1- khandhapañcakaṃ tattha chandarāgapaṭinissaggena paṭinissaṭṭhaṃ nāma hoti. Sabbābhibhunti sabbā khandhāyatanadhātuyo ca tayo bhave ca abhibhavitvā ṭhitaṃ. Sabbavidunti taṃ vuttappakāraṃ sabbaṃ viditaṃ pākaṭaṃ katvā ṭhitaṃ. Sabbesu dhammesūti tesveva sabbadhammesu 2- taṇhādiṭṭhilepehi anupalittaṃ. Sabbaṃ jahanti tadeva sabbaṃ tattha chandarāgappahānena jahitvā ṭhitaṃ. Taṇhakkhaye vimuttanti taṇhakkhayasaṅkhāte nibbāne tadārammaṇāya vimuttiyā vimuttaṃ. Dasamaṃ.