๑๒. สหายสูตร

๑๒. สหายกสุตฺตวณฺณนา

ทฺวามสเม จิรรตฺตํ สเมติกาติ ๑- ทีฆรตฺตํ สํสนฺทิตฺวา สเมตฺวา ฐิตลทฺธิโน. เต กิร ปพฺพชิตา ๒- ปญฺจ ชาติสตานิ เอกโตว วิจรึสุ. สเมติ เนสํ สทฺธมฺโมติ อิทานิ อิเมสํ อยํ สาสนธมฺโม สํสนฺทติ สเมติ. ธมฺเม พุทฺธปฺปเวทิเตติ พุทเธน ปเวทิเต ธมฺเม เอเตสํ สาสนธมฺโม โสภตีติ อตฺโถ. สุวินีตา กปฺปิเนนาติ อตฺตโน อุปชฺฌาเยน อริยปฺปเวทิเต ธมฺเม สุฏฺฐุ วินีตา. เสสํ สพฺพตฺถ อุตฺตานเมวาติ.

ภิกฺขุสํยุตฺตวณฺณนา นิฏฺฐิตา.

อิติ สารตฺถปฺปกาสินิยา สํยุตฺตนิกายฏฺฐกถาย

นิทานวคฺควณฺณนา นิฏฺฐิตา.

@เชิงอรรถ: ๑ สี.,อิ. สมาหิตาติ ๒ ฉ.ม. อยํ ปาโฐ น ทิสฺสติ