๘. สมุททสูตร ที่ ๒

Sāvatthiyaṃ viharati ... tatra kho bhagavā ... Seyyathāpi bhikkhave mahāsamuddo parikkhayaṃ pariyādānaṃ gaccheyya ṭhapetvā dve vā tīṇi vā udakaphusitāni . taṃ kiṃ maññatha bhikkhave katamaṃ nu kho bahutaraṃ yaṃ vā mahāsamudde udakaṃ parikkhīṇaṃ pariyādinnaṃ yāni vā dve vā tīṇi vā udakaphusitāni avasiṭṭhānīti . etadeva bhante bahutaraṃ mahāsamudde udakaṃ yadidaṃ parikkhīṇaṃ pariyādinnaṃ appamattakāni dve vā tīṇi vā udakaphusitāni avasiṭṭhāni neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti mahāsamudde udakaṃ parikkhīṇaṃ pariyādinnaṃ upanidhāya dve vā tīṇi vā udakaphusitāni avasiṭṭhānīti. @Footnote: 1 Ma. Yu. mahāsamuddato.

Evameva kho bhikkhave .pe. evaṃ mahatthiyo dhammacakkhupaṭilābhoti. Aṭṭhamaṃ.