๗. สัญญาสูตร

7. Saññānānattasuttavaṇṇanā

Sattame rūpadhātūti āpāthe ṭhitaṃ 2- attano vā parassa vā sāṭakaveṭṭhanādivatthukaṃ rūpārammaṇaṃ. Rūpasaññāti cakkhuviññāṇasampayuttā rūpasaññā. 3- Rūpasaṅkappoti sampaṭicchannādīhi tīhi cittehi sampayutto saṅkapPo. Rūpacchandoti rūpe chandikataṭṭhena chando. Rūpapariḷāhoti rūpe anudahanaṭṭhena pariḷāho. Rūpapariyesanāti pariḷāhe uppanne sandiṭṭhasambhatte gahetvā tassa rūpassa paṭilābhatthāya pariyesanā. Ettha ca saññāsaṅkappachandā ekajavanavārepi nānājavanavārepi labbhanti, pariḷāhapariyesanā pana nānājavanavāreyeva labbhantīti. Evaṃ kho bhikkhave dhātunānattanti ettha 4- rūpādinānāsabhāvaṃ dhātuṃ paṭicca rūpasaññādinānāsabhāvasaññā uppajjatīti iminā nayena attho veditabbo. Sattamaṃ.