๘. โนสัญญาสูตร

Sāvatthiyaṃ viharati ... tatra kho bhagavā ... Dhātunānattaṃ bhikkhave paṭicca uppajjati saññānānattaṃ saññānānattaṃ paṭicca uppajjati .pe. pariyesanānānattaṃ no pariyesanānānattaṃ paṭicca uppajjati pariḷāhanānattaṃ no pariḷāhanānattaṃ paṭicca uppajjati chandanānattaṃ no chandanānattaṃ paṭicca uppajjati saṅkappanānattaṃ no saṅkappanānattaṃ paṭicca uppajjati saññānānattaṃ no saññānānattaṃ paṭicca uppajjati 1- dhātunānattaṃ . katamañca bhikkhave dhātunānattaṃ . rūpadhātu .pe. dhammadhātu . idaṃ vuccati bhikkhave dhātunānattaṃ. @Footnote: 1 Yu. saññānānattaṃ no saññānānattaṃ paṭicca uppajjatīti ime pāṭhā na dissanti.

Katamañca bhikkhave dhātunānattaṃ paṭicca uppajjati saññānānattaṃ saññānānattaṃ paṭicca uppajjati .pe. Pariyesanānānattaṃ no pariyesanānānattaṃ paṭicca uppajjati pariḷāhanānattaṃ no pariḷāhanānattaṃ paṭicca uppajjati chandanānattaṃ no chandanānattaṃ paṭicca uppajjati saṅkappanānattaṃ no saṅkappanānattaṃ paṭicca uppajjati saññānānattaṃ no saññānānattaṃ paṭicca uppajjati dhātunānattaṃ . rūpadhātuṃ bhikkhave paṭicca uppajjati rūpasaññā .pe. dhammadhātuṃ paṭicca uppajjati dhammasaññā dhammasaññaṃ paṭicca uppajjati .pe. dhammapariyesanā no dhammapariyesanaṃ paṭicca uppajjati dhammapariḷāho no dhammapariḷāhaṃ paṭicca uppajjati dhammacchando no dhammacchandaṃ paṭicca uppajjati dhammasaṅkappo no dhammasaṅkappaṃ paṭicca uppajjati dhammasaññā no dhammasaññaṃ paṭicca uppajjati dhammadhātu. {347.1} Evaṃ kho bhikkhave dhātunānattaṃ paṭicca uppajjati saññānānattaṃ saññānānattaṃ paṭicca uppajjati .pe. Pariyesanānānattaṃ no pariyesanānānattaṃ paṭicca uppajjati .pe. saññānānattaṃ no saññānānattaṃ paṭicca uppajjati dhātunānattanti. Aṭṭhamaṃ.