๙. ธาตุสูตร

[๔๙๕] สาวตฺถี ฯ โย ภิกฺขเว ปฐวีธาตุยา อุปฺปาโท ฐิติ อภินิพฺพตฺติ ปาตุภาโว ฯเปฯ ชรามรณสฺส ปาตุภาโว โย อาโปธาตุยา ฯเปฯ โย เตโชธาตุยา ฯ โย วาโยธาตุยา ฯ โย อากาสธาตุยา ฯ โย วิญฺญาณธาตุยา อุปฺปาโท ฐิติ อภินิพฺพตฺติ ปาตุภาโว ทุกฺขสฺเสโส อุปฺปาโท โรคานํ ฐิติ ชรามรณสฺส ปาตุภาโว ฯ

[๔๙๖] โย จ โข ภิกฺขเว ปฐวีธาตุยา นิโรโธ ฯเปฯ ชรามรณสฺส อตฺถงฺคโม โย อาโปธาตุยา นิโรโธ ฯเปฯ ชรามรณสฺส อตฺถงฺคโม โย เตโชธาตุยา นิโรโธ ฯ โย วาโยธาตุยา นิโรโธ ฯ โย อากาสธาตุยา นิโรโธ ฯ โย วิญฺญาณธาตุยา นิโรโธ วูปสโม อตฺถงฺคโม ทุกฺขสฺเสโส นิโรโธ โรคานํ วูปสโม ชรามรณสฺส อตฺถงฺคโมติ ฯ