๑๐. สุตสูตร ที่ ๔

Sāvatthī . ekamantaṃ nisinno kho so bhikkhu bhagavantaṃ etadavoca ko nu kho bhante hetu ko paccayo yena midhekacco Kāyassa bhedā paraṃ maraṇā upapātikānaṃ nāgānaṃ sahabyataṃ upapajjatīti . idha bhikkhu ekacco kāyena dvayakārī hoti vācāya dvayakārī manasā dvayakārī tassa sutaṃ hoti upapātikā nāgā dīghāyukā vaṇṇavanto sukhabahulāti . tassa evaṃ hoti aho vatāhaṃ kāyassa bhedā paraṃ maraṇā upapātikānaṃ nāgānaṃ sahabyataṃ upapajjeyyanti . so kāyassa bhedā paraṃ maraṇā upapātikānaṃ nāgānaṃ sahabyataṃ upapajjati . ayaṃ kho bhikkhu hetu ayaṃ paccayo yena midhekacco kāyassa bhedā paraṃ maraṇā upapātikānaṃ nāgānaṃ sahabyataṃ upapajjatīti.