๗. ปัญจวัคคิยสูตร [อนัตตลักขณสูตร]

๗. อนตฺตลกฺขณสุตฺตวณฺณนา

สตฺตเม ปญฺจวคฺคิเยติ อญฺญาโกณฺฑญฺญตฺเถราทิเก ปญฺจชเน ปุราณุปฏฺฐาเก. อามนฺเตสีติ อาสฬฺหปุณฺณมทิวเส ธมฺมจกฺกปฺปวตฺตนโต ปฏฺฐาย อนุกฺกเมน โสตาปตฺติผเล ปติฏฺฐิเต ๒- "อิทานิ เนสํ อาสวกฺขยาย ธมฺมํ เทเสสฺสามี"ติ ปญฺจมิยา ปกฺขสฺส อามนฺเตสิ. เอตทโวจาติ เอตํ "รูปํ ภิกฺขเว

@เชิงอรรถ: ๑ ฉ.ม. มคฺคโกวิโท ๒ ม. เตสุ ปติฏฺฐิเตสุ อนตฺตา"ติอาทินยปฺปวตฺตํ อนตฺตลกฺขณสุตฺตํ อโวจ. ตตฺถ อนตฺตาติ ปุพฺเพ วุตฺเตหิ จตูหิ การเณหิ อนตฺตา. ตํ กึ มญฺญถ ภิกฺขเวติ อิทํ กสฺมา อารทฺธํ? เอตฺตเกน ฐาเนน อนตฺตลกฺขณเมว กถิตํ, น อนิจฺจทุกฺขลกฺขณานิ, อิทานิ ตานิ ทสฺเสตฺวา สโมธาเนตฺวา ตีณิปิ ลกฺขณานิ ทสฺเสตุํ อิทมารทฺธนฺติ เวทิตพฺพํ. ตสฺมาติ ยสฺมา อิเม ปญฺจกฺขนฺธา อนิจฺจา ทุกฺขา อนตฺตา, ตสฺมา. ยงฺกิญฺจิ รูปนฺติอาทีสุ วิตฺถาเรน กถา วิสุทฺธิมคฺเค ปญฺญาภาวนาธิกาเร ขนฺธนิทฺเทเส วุตฺตาว. เสสํ สพฺพตฺถ วุตฺตานุสาเรเนว เวทิตพฺพํ. อิมสฺมึ ปน สุตฺเต อนตฺตลกฺขณเมว กถิตนฺติ. สตฺตมํ.