อนุรุทธสูตร

Atha kho āyasmā anuruddho yena bhagavā tenupasaṅkami .pe. ekamantaṃ nisinno kho āyasmā anuruddho bhagavantaṃ etadavoca idhāhaṃ bhante mātugāmaṃ passāmi dibbena cakkhunā visuddhena atikkantamānusakena kāyassa bhedā paraṃ maraṇā sugatiṃ saggaṃ lokaṃ upapajjantaṃ . katīhi nu kho bhante dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjatīti . Pañcahi kho anuruddha dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjati . katamehi pañcahi . saddho ca hoti hirimā ca hoti ottappī ca hoti akkodhano ca hoti paññavā ca hoti . imehi kho anuruddha pañcahi dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjati.