[๒๔๘-๒๕๗] อสุภสญฺญาติ อสุเภ ปฐมชฺฌานสญฺญา. มรณสญฺญาติ "อวสฺสํ มริตพฺพํ, มรณปฏิพทฺธํ เม ชีวิตนฺ"ติ อภิณฺหํ ปจฺจเวกฺขนฺตสฺส อุปฺปนฺนสญฺญา. อาหาเร ปฏิกูลสญฺญาติ โอทนกุมฺมาสาทิมฺหิ อชฺโฌหรณีเย ๒- ปฏิกูลสญฺญา. สพฺพโลเก อนภิรติสญฺญาติ สกลโลกสฺมึ อนภิรตึ อุปฺปาเทนฺตสฺส อุปฺปนฺนสญฺญา. ปหานสญฺญา วิราคสญฺญาติ เทฺว ปุพฺพภาคา, นิโรธสญฺญา มิสฺสกา. เอวเมตานิ อฏฺฐิกสญฺญาทีนิ วีสติ กมฺมฏฺฐานานิ นิทฺทิฏฺฐานิ. เตสํ นวสุ อปฺปนา โหนฺติ, เอกาทส อุปจารชฺฌานิกา. เสสา ปเนตฺถ วินิจฺฉยกถา วิสุทฺธิมคฺเค ๓- อาคตาว. คงฺคาเปยฺยาลาทโย มคฺคสํยุตฺเต วุตฺตนเยเนว เวทิตพฺพา.