[๑๑๔๙] วิกาลโภชนาติ กาลาติกฺกนฺตโภชนา, มชฺฌนฺติกาติกฺกมโต ปฏฺฐาย ยาวกาลิกปริโภคาติ อตฺโถ.

๑๐. คนฺธวิเลปนสุตฺตวณฺณนา

[๑๑๕๐] มาลาทีสุ มาลาติ ยงฺกิญฺจิ ปุปฺผํ. คนฺธนฺติ ยงฺกิญฺจิ คนฺธชาตํ, ๑- วิเลปนนฺติ ฉวิราคกรณํ. ตตฺถ ปิลนฺธนฺตา ธาเรนฺติ นาม, อูนฏฺฐานํ ปูเรนฺตา มณฺเฑนฺติ นาม, คนฺธวเสน ฉวิราควเสน จ สาทิยนฺตา วิภูเสนฺติ นาม, ฐานํ วุจฺจติ การณํ. ตสฺมา ยาย ทุสฺสีลฺยเจตนาย ตานิ มาลาธารณาทีนิ มหาชโน กโรติ, ตโต ปฏิวิรตาติ อตฺโถ.