ปฏิปันนสูตร

Pañcimāni bhikkhave indriyāni. Katamāni pañca. Saddhindriyaṃ .pe. Paññindriyaṃ. Imāni kho bhikkhave pañcindriyāni.

Imesaṃ kho bhikkhave pañcannaṃ indriyānaṃ samattā paripūrattā arahaṃ hoti tato mudutarehi arahattaphalasacchikiriyāya paṭipanno hoti tato mudutarehi anāgāmī hoti tato mudutarehi @Footnote: 1 Ma. puggalavemattatā hotīti. Yu. ... hoti. Anāgāmiphalasacchikiriyāya paṭipanno hoti tato mudutarehi sakadāgāmī hoti tato mudutarehi sakadāgāmiphalasacchikiriyāya paṭipanno hoti tato mudutarehi sotāpanno hoti tato mudutarehi sotāpattiphala- sacchikiriyāya paṭipanno hoti . yassa kho bhikkhave imāni pañcindriyāni sabbena sabbaṃ sabbathā sabbaṃ natthi tamahaṃ bāhiro puthujjanapakkheṭṭhitoti vadāmīti.