โคธาสูตร

๓. โคธสกฺกสุตฺตวณฺณนา

ตติเย ภควาว เอตํ ชาเนยฺย เอเตหิ ธมฺเมหิ สมนฺนาคตํ วา อสมนฺนาคตํ วาติ อิทํ โส สกฺโก ตีหิ วา ธมฺเมหิ สมนฺนาคตสฺส ปุคฺคสฺส โสตาปนฺนภาวํ, จตูหิ วา ธมฺเมหิ สมนฺนาคตสฺส โสตาปนฺนภาวํ ภควาว ชานาตีติ อธิปฺปาเยน อาห.

โกจิเทว ธมฺมสมุปฺปาโท ๕- อุปฺปชฺเชยฺยาติ กิญฺจิเทว การณํ อุปฺปชฺเชยฺย. ๖- เอกโต อสฺส ภควา, เอกโต ภิกฺขุสํโฆติ ยสฺมึ การเณ อุปฺปนฺเน ภควา ภิกฺขุสํเฆน นานาลทฺธิโก หุตฺวา เอกํ วาทํ วทนฺโต เอกโต อสฺส, ภิกฺขุสํโฆปิ เอกํ วทนฺโต เอกโตติ อตฺโถ. เตเนวาหนฺติ ยํ วาทํ ตุเมฺห วเทถ, ตเมวาหํ คเณหยฺยนฺติ. นนุ จ อริยสาวกสฺส รตนตฺตเย ปสาทนานตฺตํ ๗- นตฺถิ, อถ กสฺมา เอวมาหาติ? ภควโต สพฺพญฺญุตาย. เอวญฺหิสฺส โหติ "ภิกฺขุสํโฆ อตฺตโน อสพฺพญฺญุตาย อชานิตฺวาปิ กเถยฺย, สตฺถุ ปน อญฺญาณํ นาม นตฺถี"ติ. ตสฺมา เอวมาห. อญฺญตฺร กลฺยาณา อญฺญตฺร กุสลาติ กลฺยาณเมว กุสลเมว วทามิ, น กลฺยาณกุสลวิมุตฺตนฺติ. อปิจสฺส อนวชฺชนโทโส เอโสติ.