สิกขาบทที่ ๙ เรื่องพระฉัพพัคคีย์

{๓๑๙} นวเม ฯ อตฺถงฺคเต สุริเย เสนาย วสตีติ ติฏฺฐตุ วา นิสีทตุ วา สยตุ วา สเจปิ อากาเส อิทฺธิยา กญฺจิ อิริยาปถํ กปฺเปติ ปาจิตฺติยเมว ฯ เสนา วา ปฏิเสนาย รุทฺธา โหตีติ ยถา สญฺจาโร ฉิชฺชติ เอวํ รุทฺธา โหติ ฯ ปลิพุทฺโธติ เวริเกน วา อิสฺสเรน วา รุทฺโธ ฯ เสสํ อุตฺตานเมว ฯ เอฬกโลมสมุฏฺฐานํ กิริยา โนสญฺญาวิโมกฺขํ อจิตฺตกํ ปณฺณตฺติวชฺชํ กายกมฺมํ ติจิตฺตํ ติเวทนนฺติ ฯ

เสนาวาสสิกฺขาปทํ นวมํ ฯ