สิกขาบทที่ ๑๐ เรื่องพระฉัพพัคคีย์

{๓๒๒} ทสเม ฯ อุคฺคนฺตฺวา เอตฺถ ยุชฺฌนฺตีติ อุยฺโยธิกํ ฯ สํปหารฏฺฐานสฺเสตํ อธิวจนํ ฯ พลสฺส อคฺคํ ชานนฺติ เอตฺถาติ พลคฺคํ ฯ พลคณนฏฺฐานนฺติ อตฺโถ ฯ เสนาย วิยูหํ เสนาพฺยูหํ ฯ เสนานิเวสสฺเสตํ อธิวจนํ ฯ ตโย หตฺถี ปจฺฉิมกํ หตฺถานีกนฺติ โย ปุพฺเพ วุตฺโต ทฺวาทสปุริโส หตฺถี เตน หตฺถินา ตโย หตฺถี ฯ เสเสสุปิ เอเสว นโย ฯ เสสํ อุยฺยุตฺตเสนาสิกฺขาปเท วุตฺตนเยเนว เวทิตพฺพํ สทฺธึ สมุฏฺฐานาทีหีติ ฯ

อุยฺโยธิกสิกฺขาปทํ ทสมํ ฯ

สมตฺโต วณฺณนากฺกเมน อเจลกวคฺโค ปญฺจโม ฯ