สิกขาบทที่ ๑ เรื่องพระฉัพพัคคีย์

{๕๔๒} เตน สมเยนาติ โกสิยสิกฺขาปทํ ฯ ตตฺถ สนฺถริตฺวา กตํ โหตีติ สเม ภูมิภาเค โกสิยํสูนิ อุปรูปริ สนฺถริตฺวา กญฺชิกาทีหิ สิญฺจิตฺวา กตํ โหติ ฯ เอเกนปิ โกสิยํสุนา มิสฺสิตฺวาติ เอตฺถ ติฏฺฐตุ อตฺตโน รุจิวเสน มิสฺสกํ สเจปิ ตสฺส กรณฏฺฐาเน วาโต เอกํ โกสิยํสุํ อาเนตฺวา ปาเตติ เอวํปิ มิสฺสิตฺวา กตเมว โหตีติ ฯ เสสํ สพฺพตฺถ อุตฺตานตฺถเมว ฯ ฉสฺสมุฏฺฐานํ กิริยา โนสญฺญาวิโมกฺขํ อจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ

โกสิยสิกฺขาปทวณฺณนา นิฏฺฐิตา ฯ