สิกขาบทที่ ๗ เรื่องพระฉัพพัคคีย์

{531-534} Sattamasikkhāpade. Nisīdanaṃ anuññātaṃ hotīti kattha anuññātaṃ. Cīvarakkhandhake paṇītabhojanavatthusmiṃ. Vuttaṃ hi tattha anujānāmi bhikkhave kāyaguttiyā cīvaraguttiyā senāsanaguttiyā nisīdananti 1-.

@Footnote: 1. vi. mahāvagga. 5/216. Seyyathāpi purāṇasikoṭṭhoti yathā nāma purāṇacammakāroti attho. Yathā hi purāṇacammakāro cammaṃ vitthataṃ karissāmīti itocītoca samañchati nikkaḍḍhati evaṃ sopi taṃ nisīdanaṃ. Tena taṃ bhagavā evamāha. Nisīdanannāma sadasaṃ vuccatīti santhatasadisaṃ santharitvā ekasmiṃ ante sugatavidatthiyā vidatthimatte padese dvīsu ṭhānesu phāletvā tisso dasā kariyanti tāhi dasāhi sadasannāma vuccati. Sesamettha uttānameva. Chassamuṭṭhānaṃ.

Nisīdanasikkhāpadaṃ sattamaṃ.