สิกขาบทที่ ๘ เรื่องพระฉัพพัคคีย์

{๕๓๗} อฏฺฐมสิกฺขาปเท ฯ กณฺฑุปฏิจฺฉาที อนุญฺญาตา โหตีติ กตฺถ อนุญฺญาตา ฯ จีวรกฺขนฺธเก เวฬฏฺฐสีสวตฺถุสฺมึ ฯ วุตฺตญฺหิ ตตฺถ อนุชานามิ ภิกฺขเว ยสฺส กณฺฑุ วา ปิฬกา วา อสฺสาโว วา ถูลกจฺโฉ วา อาพาโธ กณฺฑุปฏิจฺฉาทินฺติ ๑- ฯ {๕๓๙} ยสฺส อโธนาภิ อพฺภชานุมณฺฑลนฺติ ยสฺส ภิกฺขุโน นาภิยา เหฏฺฐา ชานุมณฺฑลานํ อุปริ ฯ กณฺฑูติ กจฺฉุ ฯ ปิฬกาติ โลหิตคณฺฑิกา สุขุมปิฬกา ฯ อสฺสาโวติ อริสภคนฺทรมธุเมหาทีนํ วเสน อสุจิปคฺฆรณํ ฯ ถูลกจฺโฉ วา อาพาโธติ มหาปิฬกาพาโธ วุจฺจติ ฯ เสสเมตฺถ อุตฺตานเมว ฯ ฉสฺสมุฏฺฐานํ ฯ

กณฺฑุปฏิจฺฉาทีสิกฺขาปทํ อฏฺฐมํ ฯ