สิกขาบทที่ ๓ เรื่องตระกูลหนึ่ง

{562} Tatiyasikkhāpade. Ubhato pasannanti dvīhi pasannaṃ upāsakenapi upāsikāyapi. Tasmiṃ kira kule ubhopi te sotāpannāyeva. Bhogena hāyatīti īdisaṃ hi kulaṃ sacepi asītikoṭidhanaṃ hoti bhogehi hāyatiyeva. Kasmā. Yasmā tattha neva upāsikā na upāsako bhoge rakkhati. {569} Gharato nīharitvā dentīti āsanasālaṃ vā vihāraṃ vā ānetvā denti. Sacepi anāgate bhikkhumhi paṭhamaṃyeva nīharitvā dvāre ṭhapetvā pacchā sampattassa denti vaṭṭati. Bhikkhuṃ pana disvā antogehato nīharitvā dīyamānaṃ na vaṭṭatīti mahāpaccariyaṃ vuttaṃ. Sesamettha uttānameva. Eḷakalomasamuṭṭhānaṃ kiriyā nosaññāvimokkhaṃ acittakaṃ paṇṇattivajjaṃ kāyakammaṃ ticittaṃ tivedananti.

Tatiyapāṭidesanīyaṃ.