วรรคที่ ๑๒

๑๒. อนาปตฺติวคฺควณฺณนา

ทฺวาทสเม ปน อนาปตฺตึ อาปตฺตีติอาทีสุ "อนาปตฺติ อชานนฺตสฺส อเถยฺยจิตฺตสฺส นมรณาธิปฺปายสฺส อนุลฺลปนาธิปฺปายสฺส นโมจนาธิปฺปายสฺสา"ติ ตตฺถ ตตฺถ วุตฺตา อนาปตฺติ อนาปตฺติ นาม, "ชานนฺตสฺส เถยฺยจิตฺตสฺสา"ติอาทินา นเยน วุตฺตา อาปตฺติ อาปตฺติ นาม, ปญฺจ อาปตฺติกฺขนฺธา ลหุกาปตฺติ นาม, เทฺว อาปตฺติกฺขนฺธา ครุกาปตฺติ นาม. เทฺว อาปตฺติกฺขนฺธา ทุฏฺฐุลฺลาปตฺติ นาม, ปญฺจาปตฺติกฺขนฺธา อทุฏฺฐุลฺลาปตฺติ นาม. ฉ อาปตฺติกฺขนฺธา สาวเสสาปตฺติ นาม, เอโก ปาราชิกาปตฺติกฺขนฺโธ อนวเสสาปตฺติ นาม. สปฺปฏิกมฺมาปตฺติ นาม สาวเสสาปตฺติเยว, อปฺปฏิกมฺมาปตฺติ นาม อนวเสสาปตฺติเยว. เสสํ สพฺพตฺถ อุตฺตานเมว.

อนาปตฺติวคฺควณฺณนา นิฏฺฐิตา.

ทฺวาทสโม วคฺโค.

@เชิงอรรถ: ๑ ฉ.ม. อุตฺตานเมวาติ. เอวมุปริปิ