ธรรมวรรค

๙. ๔. ธมฺมวคฺควณฺณนา

จตุตฺถสฺส ปฐเม เจโตวิมุตฺตีติ ผลสมาธิ. ปญฺญาวิมุตฺตีติ ผลปญฺญา.

ทุติเย ปคฺคาโหติ วิริยํ. อวิกฺเขโปติ จิตฺเตกคฺคตา.

ตติเย นามนฺติ จตฺตาโร อรูปกฺขนฺธา. รูปนฺติ รูปกฺขนฺโธ. อิติ อิมสฺมึ สุตฺเต ธมฺมโกฏฺฐาสปริจฺเฉทญาณํ นาม กถิตํ.

จตุตฺเถ วิชฺชาติ ผลญาณํ. วิมุตฺตีติ ตํสมฺปยุตฺตา ๓- เสสา ธมฺมา.

@เชิงอรรถ: ๑ อิ. ปจฺจยนิพฺพตฺตสงฺขาตํ ธมฺมํ ๒ สี. เอวํ อิเมสุ ๓ ก. สมฺปยุตฺตา

ปญฺจเม ภวทิฏฺฐีติ สสฺสตทิฏฺฐิ. วิภวทิฏฺฐีติ อุจฺเฉททิฏฺฐิ. ฉฏฺฐสตฺตมานิ อุตฺตานตฺถาเนว.

อฏฺฐเม โทวจสฺสตาติ ทุพฺพจภาโว. ปาปมิตฺตตาติ ปาปมิตฺต- เสวนภาโว. นวมํ วุตฺตวิปริยาเยน เวทิตพฺพํ.

ทสเม ธาตุกุสลตาติ อฏฺฐารส ธาตุโย ธาตูติ ชานนํ. มนสิการ- กุสลตาติ ตาสํเยว ธาตูนํ อนิจฺจาทิวเสน ลกฺขณตฺตยํ อาโรเปตฺวา ชานนํ.

เอกาทสเม อาปตฺติกุสลตาติ ปญฺจนฺนํ จ สตฺตนฺนํ จ อาปตฺติกฺขนฺธานํ ชานนํ. อาปตฺติวุฏฺฐานกุสลตาติ เทสนาย วา กมฺมวาจาย วา อาปตฺตีหิ วุฏฺฐานชานนนฺติ.

ธมฺมวคฺโค จตุตฺโถ.