สันถารวรรค

14. 4. Santhāravaggavaṇṇanā

Catutthassa paṭhame catūhi paccayehi attano ca parassa ca anantaraṃ paṭicchādanavasena 1- santharaṇaṃ āmisasanthāro, 2- dhammena santharaṇaṃ dhammasanthāro.

@Footnote: 1 cha.Ma. antarapaṭicchādanavasena 2 Ma. āmisasandhāro Dutiye upasaggamattaṃ viseso.

Tatiye vuttappakārassa āmisassa esanā āmisesanā, dhammassa esanā dhammesanā. Catutthe upasaggamattaṃ 1- viseso.

Pañcame matthakappattā 2- āmisapariyesanā āmisapariyeṭṭhi, matthakappattā dhammapariyesanā dhammapariyeṭṭhīti vuttā.

Chaṭṭhe āmisena pūjanaṃ āmisapūjā, dhammena pūjanaṃ dhammapūjā.

Sattame ātitheyyānīti āgantukadānāni. Atitheyyānītipi 3- pāṭho.

Aṭṭhame āmisaṃ ijjhanakasamijjhanakavasena āmisiddhi, dhammopi ijjhanaka- samijjhanakavasena dhammiddhi.

Navame āmisena vaḍḍhanaṃ āmisavuḍḍhi, dhammena vaḍḍhanaṃ dhammavuḍḍhi.

Dasame ratikaraṇajananaṃ 4- āmisaṃ āmisaratanaṃ, dhammo dhammaratanaṃ.

Ekādasame āmisassa cinanaṃ vaḍḍhanaṃ āmisasannicayo, dhammassa cinanaṃ vaḍḍhanaṃ dhammasannicayo.

Dvādasame āmisassa vipulabhāvo āmisavepullaṃ, dhammassa vipulabhāvo dhammavepullanti.

Santhāravaggo catuttho.

@Footnote: 1 cha.Ma.,i. upasaggamattameva 2 cha.Ma.,i. matthakappattāva

@3 Sī.,i. ātitheyyāti vā 4 cha.Ma.,i. ratikaraṇatthena