๒. ทุติยปณฺณาสก

๖. ๑. พฺราหฺมณวคฺค

๑. ปฐมเทฺวพฺราหฺมณสุตฺตวณฺณนา

[๕๒] พฺราหฺมณวคฺคสฺส ปฐเม ชิณฺณาติ ชราชิณฺณา. วุฑฺฒาติ วโยวุฑฺฒา. มหลฺลกาติ ชาติมหลฺลกา. อทฺธคตาติ ตโย อทฺเธ ๑- อติกฺกนฺตา. วโยอนุปฺปตฺตาติ ปจฺฉิมวยํ ๒- อนุปฺปตฺตา. เยน ภควา เตนุปสงฺกมึสูติ ปุตฺตทาเร อตฺตโน วจนํ อกโรนฺเต ทิสฺวา "สมณสฺส โคตมสฺส สนฺติกํ คนฺตฺวา นิยฺยานิกํ มคฺคํ คเวเสสฺสามา"ติ จินฺเตตฺวา อุปสงฺกมึสุ.