@๔ ฉ. ยํส ๕ ฉ.ม.,อิ. กมฺมฏฺฐานกถาย วา ภาวนานเย วา

@๖ วิสุทฺธิ. ๒/๙๑ พฺรหฺมวิหารนิทฺเทส กิเลสมลาภาเวน วิสุทฺธจิตฺโต โหตีติ อตฺโถ. ตสฺสาติ ตสฺส เอวรูปสฺส อริยสาวกสฺส. อสฺสาสาติ อวสฺสยา ปติฏฺฐา. สเจ โข ปน อตฺถิ ปโร โลโภติ ยทิ อิมมฺหา โลกา ปรโลโก นาม อตฺถิ. เยนาหํ ๑- กายสฺส เภทา ฯเปฯ อุปปชฺชิสฺสามีติ อตฺเถตํ การณํ, เยนาหํ กายสฺส เภทา ปรํ มรณา สุคตึ สคฺคํ โลกํ อุปปชฺชิสฺสามีติ เอวํ สพฺพตฺถ นโย เวทิตพฺโพ. อนีฆนฺติ นิทฺทุกฺขํ. สุขินฺติ สุขิตํ. อุภเยเนว วิสุทฺธํ อตฺตานํ สมนุปสฺสามีติ ยญฺจ ปาป น กโรมิ, ยญฺจ กโรโตปิ น กริยติ, อิมินา อุภเยนาปิ วิสุทฺธํ อตฺตานํ สมนุปสฺสามิ. เสสํ สพฺพตฺถ อุตฺตานเมวาติ.