เกวลกปฺปนฺติ เอตฺถ เกวลสทฺโท อนวเสสเยภุยฺยอพฺยามิสฺสานติเรกทฬฺหตฺถ- วิสํโยคาทิอเนกตฺโถ. ตถา หิสฺส "เกวลปริปุณฺณํ ปริสุทฺธํ พฺรหฺมจริยนฺ"ติ ๘- เอวมาทีสุ อนวเสโส อตฺโถ. ๙- "เกวลา ๑๐- องฺคมคธา ปหูตํ ขาทนียํ โภชนียํ อาทาย อุปสงฺกมิสฺสนฺตี"ติ ๑๑- เอวมาทีสุ เยภุยฺยตา. "เกวลสฺส ทุกฺขกฺขนฺธสฺส สมุทโย โหตี"ติ ๑๒- เอวมาทีสุ อพฺยามิสฺสตา. "เกวลํ สทฺธามตฺตกํ นูน อยมายสฺมา"ติ ๑๓- เอวมาทีสุ อนติเรกตา. "อายสฺมโต ภนฺเต อนุรุทฺธสฺส พาหิโก นาม สทฺธิวิหาริโก เกวลกปฺปํ สํฆเภทาย ฐิโต"ติ ๑๔- เอวมาทีสุ พฬฺหตฺถตา. "เกวลี วุสิตวา อุตฺตมปุริโสติ วุจฺจตี"ติ ๑๕- เอวมาทีสุ วิสํโยโค. อิธ ปนสฺส ๑๖- อนวเสสตา อตฺโถติ อธิปฺเปตา.
@๒ ม.ม.๑๓/๗๗/๕๔ อุปาลิวาทสุตฺต ๓ ที.ปา. ๑๑/๑๑๕/๖๙ จตุวณฺณสุทฺธิ
@๔ สํ.ส. ๑๕/๒๓๔/๒๔๖ ปทุมปุปฺผสุตฺต ๕ สํ.ส. ๑๕/๑๓๘/๑๒๔ นาคสุตฺต