@3 cha.Ma. sāraṇīyāni bhavantīti saritabbāni asammussatīyāni, i. sārāṇīyāni

@hontīti saritabbāni apammussanakāni 4 cha.Ma.,i. ñātakehi vā dāsādīhi vā

@5 ka. saritabbaṃyeva hoti na pammussitabbaṃ Saṅgāmasīsanti tameva saṅgāmaṭṭhānaṃ. Ajjhāvasatīti abhibhavitvā āvasati.

Idāni yasmā sammāsambuddhassa rañño jātiṭṭhānādīhi kattabbakiccaṃ natthi, imasmiṃ pana sāsane tappaṭibhāge tayo puggale dassetuṃ idaṃ kāraṇaṃ ābhataṃ, tasmā te dassento evameva kho bhikkhavetiādimāha. Tattha anagāriyaṃ pabbajito hotīti ettha catupārisuddhisīlaṃ pabbajjānissitamevāti veditabbaṃ. Sāraṇīyaṃ hotīti "ahaṃ asukaraṭṭhe asukajanapade asukavihāre asukamāḷake asukadivāṭṭhāne asukacaṅkame asukarukkhamūle pabbajito"ti evaṃ yāvajīvaṃ saritabbameva hoti na pammussitabbaṃ.