สังวาสสูตร ที่ ๑

๓. ปฐมสํวาสสุตฺตวณฺณนา

ตติเย สมฺพหุลาปิ โข คหปตี จ คหปตานิโย จาติ พหุกา คหปตโย จ คหปตานิโย จ อาวาหวิวาหกรณตฺถาย คจฺฉนฺตา ตเมว มคฺคํ ปฏิปนฺนา โหนฺติ. สํวาสาติ สหวาสา เอกโตวาสา. ฉโว ฉวายาติ คุณมรเณน มตตฺตา ฉโว คุณมรเณเนว มตาย ฉวาย สทฺธึ. เทวิยา สทฺธินฺติ คุเณหิ เทวิภูตาย สทฺธึ. ทุสฺสีโลติ นิสฺสีโล. ปาปธมฺโมติ ลามกธมฺโม. อกฺโกสกปริภาสโกติ ทสหิ อกฺโกสวตฺถูหิ อกฺโกสโก ภยํ ทสฺเสตฺวา ตชฺชเนน ปริภาสโก. เอวํ สพฺพตฺถ อตฺโถ เวทิตพฺโพ.

กทริยาติ ถทฺธมจฺฉริโน. ชานิปตโยติ ชายปติกา. ๓- วทญฺญูติ ยาจกวจนสฺส อตฺถํ ชานนฺตา. สญฺญตาติ สีลสญฺญเมน สมนฺนาคตา. ธมฺมชีวิโนติ ธมฺเม ฐตฺวา

@เชิงอรรถ: ๑ สี.,ก. รตนคณานนฺติ ๒ วิสุทฺธิ. ๑/๑๙๒ ๓ ฉ.ม. ชยมฺปติกา ชีวิกํ กปฺเปนฺตีติ ธมฺมชีวิโน. อตฺถา สมฺปจุรา ๑- โหนฺตีติ วฑฺฒิสงฺขาตา อตฺถา เอเตสํ พหู โหนฺติ. ผาสุกํ อุปชายตีติ อญฺญมญฺญํ ผาสุวิหาโร ชายติ. กามกามิโนติ กาเม กามยมานา.