สุปปวาสสูตร

๗. สุปฺปวาสาสุตฺตวณฺณนา

สตฺตเม ปชฺชเนลนฺติ ๓- ตสฺส นิคมสฺส นามํ. โกลิยานนฺติ โกลราชกุลานํ. อายุํ โข ปน ทตฺวาติ อายุทานํ ทตฺวา. อายุสฺส ภาคินี โหตีติ

@เชิงอรรถ: ๑ ฉ.ม. อตฺถา สํปจุรา ๒ ฉ.ม. ปวตฺติตา

@๓ สี. สชฺชเนลนฺติ, ฉ.ม. ปชฺชนิกนฺติ อายุภาคปฏิลาภินี โหติ, อายุํ วา ภชนิกา ๑- โหติ, อายุปฏิลาภินีติ อตฺโถ. เสสปเทสุปิ เอเสว นโย.

รสสา อุเปตนฺติ รเสน อุเปตํ รสสมฺปนฺนํ. อุชฺชุคเตสูติ กายวงฺกาทิ- รหิตตฺตา อุชุกเมว คเตสุ ขีณาสเวสุ. จรณูปปนฺเนสูติ ปญฺจทสหิ จรณธมฺเมหิ สมนฺนาคเตสุ. มหคฺคเตสูติ มหตฺตํ คเตสุ. ขีณาสวานํเยเวตํ นามํ. ปุญฺเญน ปุญฺญํ สํสนฺทมานาติ ปุญฺเญน สทฺธึ ปุญฺญํ ฆฏฺฏิยมานา. ๒- มหปฺผลา โลกวิทูน วณฺณิตาติ เอวรูปา ทานสงฺขาตา ทกฺขิณา ติวิธโลกํ วิทิตํ กตฺวา ฐิตตฺตา โลกวิทูนํ พุทฺธานํ วณฺณิตา, พุทฺเธหิ ปสตฺถาติ อตฺโถ. ยญฺญมนุสฺสรนฺตาติ ยญฺญํ ทานํ อนุสฺสรนฺตา. เวทชาตาติ ตุฏฺฐิชาตา.